Ish-presidenti, Hashim Thaçi, i cili ndodhet në paraburgim në Hagë, ka ardhur në Kosovë për një vizitë familjare.
Nga Gjykata Speciale kanë konfirmuar për Telegrafin se Thaçit i është aprovuar ardhja në Kosovë për shkak të arsyeve bindëse.
Bëhet e ditur se Thaçi do të jetë nën përcjellje të Policisë së Kosovës dhe EULEX-it në vizitën që do t’ia bëjë familjes.
“Për shkak të arsyeve bindëse humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për të takuar familjen. I akuzuari mbetet në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, thuhet në përgjigjen e Dhomave të Specializuara të Kosovës në Hagë.
Ndryshe, ditë më parë është raportuar se babai i ish-presidentit, në moshë të shtyrë, prej kohësh është i sëmurë. I njëjti për shkak të rëndimit të gjendjes së tij shëndetësore, thuhet se është trajtuar edhe në spital.
Edhe në maj të këtij viti Thaçit i ishte mundësuar vizita në Kosovë për shkak të gjendjes së rënduar të nënës së tij.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...