Ish-kryetari i Gjykatës Kushtetuese, Enver Hasani ka folur për votën e shumëpërfolur të deputetit të dënuar me burg Etem Arifi.
“Unë mendoj që një vendim që do të vlerësonte votën e një deputeti është i gabuar”, tha ai në “Debat Plus”.
Hasani thotë se vendimi i formës së prerë për deputetin Arifi i ndërpret mandatin e deputetit këtij të fundit.
“Kur dikush dënohet atij i ndalohet kandidimi për një mandatë tjetër. Por KQZ ja ka lejuar kandidimin atij”, shtoi ai, përcjell Telegrafi.
Ish-kryetari i Gjykatës Kushtetuese thotë se deputetit në fjalë i takon edhe rroga deri në gjashtë muaj nëse ai nuk paraqitet në Kuvend.
“Pushtetet janë të ndara. Nuk mundet sovranit t’ia merr mandatin një procedurë që e ka përcaktuar Kushtetuta. Kushtetuta e ka caktuar Gjyqin që t’ia merr mandatin deputetit”.
Hasani thotë se gjërat janë të qarta dhe ai nuk sheh tash ndonjë shkelje kushtetuese me pjesëmarrjen e deputetit Etem Arifi në zgjedhjen e Qeverisë së Kosovës.
“Deputeti Etem Arifi ka humb mandatin në pranverë të vitit 2018. Legjislatura ka mbaruar mandatin. Ai ka konkurruar përsëri dhe askush nuk ja ka kontestuar kandidaturën e as mandatin”, tha ndër të tjera Enver Hasani.
Betohen 20 kadetët e rinj të Qendrës për Studime Universitar...
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...