Hasan Shala rizgjedhet kryetar i Apelit

14:52 | 9 Gusht 2017
Arbresh.info

Këshilli Gjyqësor i Kosovës ka zgjedhur për kryetar të Gjykatës së Apelit gjyqtarin Hasan Shala.

Nga 11 anëtarët e KGjK-së, 9 prej tyre votuan për kandidatin Shala, ndërsa kandidatja Tonka Berisha mori vetëm 2 vota, dhe kandidati i tretë Xhevdet Abazi nuk mori asnjë votë, raporton arbresh.info.

Para se të bëhej votimi i kandidatëve kryesuesi i KGjK-së, Nehat Idrizi tregoj se KGjK ka kërkuar nga 35 gjyqtarë sa ka aktualisht Apeli,18 prej tyre kanë dhënë mendimet

Për Shalën 13, për Tonken 9 mendime pozitive dhe për Xhevdet Abazin 4 mendime pozitive.

Idrizi prezantoi edhe arritjet e kandidatëve sa i përket zgjidhjes së lëndëve. Sipas tij kandidati Hasan Shala ka kryer 910 lëndë, Xhevdet Abazi mbi 200 lëndë dhe kandidatja Tonka Berisha 145 lëndë.

Para se të niste votimi, kreu i KGjK-së pyeti anëtarët nëse ndonjë nga të do të abstenojë, dhe u bëri të ditur se pas këtij deklarimi askush nuk ka të drejtë të abstenojë. Asnjë nga kandidatët nuk abstenoi./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm