Kryeministri i Kosovës, Ramush Haradinaj, ka mirëpritur marrjen e kryesimit të Këshillit të Bashkimit Evropian nga Bullgaria të cilën ai e quan “mike” dhe shprehet i bindur se ky vend do të fokusohet në përafrimin e Ballkanit Perëndimor me BE’në.
“Në këtë kontekst, pres që Bullgaria të jetë edhe zë i Kosovës në strukturat e Bashkimit Evropian”, ka thënë Haradinaj në një postim në Facebook.
“Republika e Kosovës po e bën të duhurën në zbatimin e plotë të MSA’së dhe që këtë vit të aplikojë për statusin e vendit kandidat në BE. Besojmë palëkundshëm në mbështetjen bullgare në këto procese. Bullgarisë i dëshiroj lidership të suksesshëm gjatë kryesimit të Këshillit të BE’së”, shkroi ai.
Me fillimin e vitit, Bullgaria ka marrë udhëheqjen e presidencës së Bashkimit Evropian, duke u bërë vendi i parë nga Ballkani që merr një pozitë të tillë për gjashtë muajt e ardhshëm.
Ambasada e Shqipërisë uron 28 Nëntorin
Vrasja e Martin Canit, nxënës, mësues dhe prindër me marshim...
Tubim në Gjirokastër, Kumbaro: Kënaqësi të bisedosh me gjiro...
Joe Biden kërkon 24 miliardë dollarë të tjera për Ukrainën
Kurti për suksesin e Telekomit: I vetmi vend në rajon që nuk...
Vajzat e Kosovës U19 mposhten nga Gjermania
Skip to content
