Google ADS

Haradinaj: Vëllezërit Gërvalla e Kadri Zeka ishin lajmëtarët e lirisë

09:57 | 17 Janar 2018
Arbresh.info

Kryeministri i Kosovës, Ramush Haradinaj përmes një statusi në profilin e tij në facebook ka përkujtuar Jusuf e Bardhosh Gërvallën si dhe Kadri Zekën në 36 vjetorin e rënies së tyre, shkruan arbresh.info.

Haradinaj, ka thënë se 17 janari është data që u kujton shqiptarëve zinë, por edhe guximin. Guximin për t’i tubuar e për t’u prirë shqiptarëve.

Ky është shkrimi i tij i plotë në facebook:

“17 janari është data që u kujton shqiptarëve zinë, por edhe guximin. Guximin për t’i tubuar e për t’u prirë shqiptarëve.

17 janari i lidhë tre viganët e Kosovës, Jusuf e Bardhosh Gërvallen dhe Kadri Zekën, me Gjergjin Kastriotin, në të njëjtën nyje – flijimin për atdhe.

Gërvallajt dhe Zeka, ata tre burra qe me fenerë të ndezur, në mendje e zemër, na e kanë dëftuar rrugën për të arritur lirinë kombëtare. Ata ishin lajmëtarët e lirisë së Kosovës.

Lavdi heronjve të Kosovës Jusuf e Bardhosh Gërvalla dhe Kadri Zeka”, ka shkruar ai./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm