Google ADS

Haradinaj uron Shqipërinë për hapjen e bazës ajrore të NATO-s në Kuçovë

13:02 | 4 Mars 2024
E.G

Kryetari i Aleancës për Ardhmërinë e Kosovës (AAK), Ramush Haradinaj është shprehur se hapja e bazës ajrorë të NATO-s në Kuçovë të Shqipërisë është bazë e sigurisë rajoanle të Ballkanit.

Në një postim në Facebook, Haradinaj shkroi se anëtarësimi i Kosovës në NATO do ta bëntë sigurinë më të plotë, shkruan Arbresh.info.

“Baza ajrore e NATO-s në Kuçovë të Shqipërisë, që është hapur sot, është bazë e sigurisë rajonale të Ballkanit. Sa më afër NATO-s, jemi më të lirë e më të sigurtë, por anëtarësimi i plotë i Kosovës në këtë Aleancë, sigurinë do ta bënte më të plotë.”, ka shkruar ai.

Ndër të tjera, kreu i AAK-së ka përgëzuar Shqipërinë për reshtimin e saj të natyrshëm në këtë Aleancë.

“E përgëzoj Shqipërinë për rreshtimin e saj të natyrshëm në këtë Aleancë, por nuk mund të mos shpreh indinjatën time të thellë për qeverinë e Albin Kurtit, e cila po e turpëron Kosovën duke dalur nga kontrata politike me udhëheqësit e NATO-s.”, përfundoi Haradinaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm