Google ADS

Haradinaj u jep afat edhe 10 ditë zëvendësministrave

20:49 | 10 Prill 2018
Arbresh.info

Në fund të vitit të kaluar, kryeministri i Kosovës, Ramush Haradinaj u kishte kërkuar zëvendësministrave të Qeverisë së tij, që më 10 prill secili nga ta të raportojë para tij për punën që kanë bërë.

Haradinaj u ka kërkuar që përmes një raporti me shkrim, të japin detaje për 100 ditëshin e dytë të qeverisjes, rreth punëve konkrete që janë bërë nëpër ministri me angazhimin e drejtpërdrejt të tyre, shkruan Indeksonline.

Por, zëvendësministrat akoma nuk kanë kryer obligimet e tyre. Ata sot, kur duhej të përfundonte afati nuk kanë raportuar.

Zëdhënësja e Qeverisë së Kosovës, Donjeta Gashi ka thënë për Indeksonline se zëvendësministrat kanë kohë edhe 10 ditë për të dorëzuar raportet.

“Më 20 prill zëvendësministrat raportojnë te Haradinaj. Raportet janë duke u mbledhur, është çështje e agjendës”, ka thënë Gashi.

Kujtojmë se numri i zv/ministrave në Qeverinë Haradinaj bëri një bujë të madhe, duke marrë kritika të vazhdueshme në 100 ditshin e tij.

Shpërndaje në rrjete sociale

Lajmet më të lexuara

Të ngjashme

Foto lajm