Haradinaj takon kryetarin e “Vatrës”, kërkon ndihmë për integrimin e Kosovës në NATO

14:45 | 8 Nëntor 2024
K.B

Kryetari i AAK-së, Ramush Haradinaj ka pritur në takim presidentin e Federatës pan-shqiptare “Vatra”, Elmi Berisha.

Haradinaj tha se e ka falënderuar atë për angazhimin dhe kontributin e madh që po ofron në mbështetje të Republikës së Kosovës dhe kauzave kombëtare.

‘Z. Berisha, si udhëheqës i Federatës pan-shqiptare “Vatra”, tashmë në mandatin e tij të dytë, ka dhënë një kontribut të jashtëzakonshëm në sensibilizimin e agjendës së Kosovës, veçanërisht në ndërtimin e marrëdhënieve me vendimmarrësit në Washington, si dhe në Kongres dhe Senat”, shkroi Haradinaj në Facebook.

Haradinaj kërkoi nga Berisha që këtë përkushtim ta shtojë edhe më tej, duke ndihmuar agjendën e integrimit direkt të Kosovës në NATO përmes Planit Aksional për Anëtarësim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm