Haradinaj takon ambasadorin e Norvegjisë, bisedojnë për zhvillimin e Kosovës

16:48 | 26 Shtator 2017
M. A.

Kryeministri i Republikës së Kosovës, Ramush Haradinaj, priti në takim ambasadorin e Mbretërisë së Norvegjisë në Kosovë, Per Strand Sjaastad.

Ambasadori Sjaastad e uroi kryeministrin Haradinaj për marrjen e përgjegjësive të reja në udhëheqje të Qeverisë së Kosovës, duke i ofruar bashkëpunim për avancimin e agjendës evropiane dhe zhvillimore të Kosovës.

Kryeministri Haradinaj me këtë rast shprehu zotimin e Qeverisë për avancimin e raporteve bilaterale ndërmjet Kosovës dhe Norvegjisë.

Kryeministri vuri në dukje shpresat që ka nga Bashkimi Evropian për Kosovën, duke u përqendruar në fushën e zhvillimit ekonomik, sundimin e ligjit, në energjetikë dhe në kujdesin shëndetësor.

Ambasadori Per Strand Sjaastad, tha se shteti i Norvegjisë do të mbështesë edhe më tutje Kosovën, në të gjitha aspektet./arbresh.info/

26-09-2017-zkm-1-3 26-09-2017-zkm-1-2

Shpërndaje në rrjete sociale

Lajmet më të lexuara

Të ngjashme

Foto lajm