Haradinaj takoi ambasadorin austriak, biseduan për zhvillimet aktuale në vend

12:26 | 18 Tetor 2023
E.G

Kryetari i Aleancës për Ardhmërinë e Kosovës (AAK), Ramush Haradinaj, ka pritur në takim njoftues ambasadorin e Austrisë në Kosovë, Georg Schnetzer.

Me anë të një postimi në Facebook, Haradinaj tha se në këtë takim biseduan për zhvillimet akuale në vend, shrkuan ARbresh.info.

“Prita në takim njoftues ambasadorin e Austrisë në Kosovë, z. Georg Schnetzer. Duke i uruar mirëseardhje dhe punë të mbarë në vendin tonë, me ambasadorin Schnetzer biseduam për zhvillimet aktuale në vendin tonë dhe gjithashtu vumë theksin te marrëdhëniet e shkëlqyera ndërmjet dy shteteve”, shkroi Haradinaj.

Tutje kreu i AAK-së e ka falënderuar ambasadorin Schnetzer për ndihmën e vazhdueshme që Austria e ka dhënë për Kosovën.

“Ambasadorin Schnetzer, e falënderova për ndihmën e vazhdueshme që Austria i ka dhënë Kosovës në të gjitha periudhat e shtetndërtimit, me theks të veçantë në zhvillimin ekonomik të vendit dhe në rrugën tonë drejt integrimeve euro-atlantike”, përfundoi Haradinaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm