Ish-kryeministri Ramush Haradinaj ka mirëpritur marrëveshjen e re të kyçjes në mes KOSTT – ENTSO-E, nga Grupi Regjional i Evropës, përmes së cilës i mundësohet Kosovës pavarësia energjetike nga Serbia dhe Operimi i pavarur si Zonë Rregulluese, brenda Bllokut Rregullues Kosovë-Shqipëri.
Ai në një postim në facebook shkruan se për dy vjet si kryeministër i vendit ka punuar ngushtë dhe ka realizuar dhjetëra takime pune, larg publicitetit, me institucionet energjetike dhe partnerët strategjik, në veçanti ShBA-në dhe Gjermaninë, që të arrihet kjo ditë.
Postimi i plotë:
Sot është ditë e madhe në fushën energjetike dhe pavarësimin e plotë nga Serbia!
Për dy vite, si Kryeministër i vendit kemi punuar ngushtë dhe kemi realizuar dhjetëra takime pune, larg publicitetit, me institucionet energjetike dhe partnerët strategjik, në veçanti ShBA-në dhe Gjermaninë, që të arrihet kjo ditë.
Kosova ia doli!
Me zyrtarizimin e Marrëveshjes së re të Kyçjes në mes KOSTT – ENTSO-E, nga Grupi Regjional i Europës Kontinentale, i mundësohet Kosovës pavarësia energjetike nga Serbia dhe Operimi i pavarur si Zonë Rregulluese, brenda Bllokut Rregullues Kosovë-Shqipëri.
Dua të falënderoj përfaqësuesit e institucioneve tona, bashkëpunetorët e mi në Kabinet, posaçërisht Ambasadorin e Gjermanisë në Kosovë Christian Heldt, Ambasadën e ShBA-së në Prishtinë, Bankën Gjermane per Zhvillim-KfW, USAID dhe gjithë akterët e tjerë që ishin pjesë e këtij rrugëtimi, që sot u shndërrua në storie të suksesit!
Ju faleminderit!
Urime Kosovë!
Haxhiu: Kemi ende punë për të bërë për fuqizimin e grave
Kosova përfundoi në vendin e parë nga 11 shtete pjesëmarrëse...
Ministri i Mbrojtjes thotë se kanë shpenzuar 238 milionë eur...
“Duhet të shqetësohen edhe të tjerët” – Arrestimi i Diddyt e...
Banorët e prekur nga përmbytjet në Vlorë kërkojnë mbështetje
Sigal Prishtina mposht Trepçën në ‘Minatori’