Haradinaj: Rrugëtimi i Kroacisë deri në anëtarësim në BE dhe në NATO, shembull për Kosovën

23:04 | 4 Shkurt 2024
E.G

Kreu i Aleancës për Ardhmërinë e Kosovës (AAK), Ramush Haradinaj është takuar me ish-presidentin e Kroacisë, Stjepan Mesiq.

Me anë të një postimi në Facebook, Haradinaj tha ish-presidenti ishte një mik i madh i shqiptarëve dhe mbështetës i fuqishëm i Kosovës, shkruan Arbresh.info.

“Pata kënaqësinë të ndajmë bashkë momente të këndshme me ish-Presidentin e Republikës së Kroacisë, z. Stjepan Mesiq dhe miq tjerë. Z. Mesiq, një mik i madh i shqiptarëve dhe mbështetës i fuqishëm i Kosovës dhe popullit të saj, në të gjitha etapat, që nga lëvizja paqësore në vitet ’90-ta deri te lufta çlirimtare si dhe rrugëtimi i vendit tonë drejt pavarësisë.”, ka shkruar ai.

Ndër të tjera, ai tha se rrugëtimi i Kroacisë është shembull për Kosovën.

“Shembulli i rrugëtimit të Kroacisë deri në anëtarësim në BE dhe në NATO, është një shembull të cilin duhet ta ndjek Kosova në agjendën e saj euro-atlantike.”, përfundoi kreu opozitar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm