Google ADS

Haradinaj: Prilli i 1999-ës na kujton qëndresën titanike të djemve të Dukagjinit

09:46 | 3 Prill 2023
E.H

Lideri i Aleancës për Ardhmërinë e Kosovës, Ramush Haradinaj, ka përkujtuar dëshmorët e Dukagjinit.

Me anë të një postimi në rrjetin social Facebook, Haradinaj ka shkruar se prilli i 1999-ës ia kujton qëndresën titanike të dëshmorëve të Dukagjinit.

“Prilli i vitit 1999, na kujton qëndresën titanike të djemve të Dukagjinit në mbrojtje të pozicioneve të luftës. Kujtojmë bashkëluftëtarin Arton Mehmetaj, i treti dëshmor nga familja Mehmetaj e Gllogjanit, që ra heroikisht përkrah bashkëluftëtarit nga Kukësi Halit Coka. Kujtojmë bashkëluftëtarët Visar Myftari, Fehmi Shala, Kujtim Qallakaj, Ilir Hoxha, Mustafë Çeku e dhjetëra dëshmorë anekënd Kosovës”, ka shkruar Haradinaj, përcjell Arbresh.info.

Ai shtoi se gjaku i tyre i derdhur në fushë të nderit, mundësoi realizimin e idealit shekullor të lirisë.

“Përulemi me nderim para sakrificës së tyre sublime”, ka shtuar ai.

Shpërndaje në rrjete sociale

Lajmet më të lexuara

Të ngjashme

Foto lajm