Google ADS

Haradinaj: Përkrahja e sotme për Kosovën në Asamblenë e Këshillit të Evropës është një hap kolosal

20:58 | 16 Prill 2024
E.H

Kryetari i AAK-së, Ramush Haradinaj ka reaguar pas votimit pro në Asamblenë Parlamentare për anëtarësimin e Kosovës në Këshillin e Evropës.

Me anë të një postimi në Facebook, Haradinaj ka thënë se përkrahja e sotme në Asamblenë e Këshillit të Evropës, është një hap kolosal në afirmimin ndërkombëtar të pozicionit të Republikës së Kosovës, si dhe një energji dhe momentum i ri për caqet e së ardhmes.

“Shteti ynë i ri, qytetarët e Kosovës, kanë vendosur themelet e forta të demokracisë, të drejtave dhe lirive të njeriut. Ky përkushtim i rrënjosur në frymën e Kushtetutës e shpirtin e qytetarëve, u vlerësua nga shtetet anëtare të Këshillit të Evropës. Zoti e bekoftë Republikën e Kosovës! Zoti i bekoftë miqtë e saj!”, ka shkruar Haradinaj./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm