Kryetari i Aleancës për Ardhmërinë e Kosovës, Ramush Haradinaj, ia ka parashtruar disa pyetje kryeministrit të Kosovës, Albin Kurtit.

Përmes një postimi në Facebook, Haradinaj, mes shumë tjerash ka pyetur Kurtin, se pse po dështon ndërtimi i kapaciteteve të reja energjetike në vend dhe pse janë paguar dhjetëra milionë për blerjen e rrymës me çmime astronomike.

Po ashtu, ai ka pyetur Kurtin, edhe për refuzimin e gazit amerikan dhe për refuzimin për të votuar komisionin hetimor për blerjen e energjisë.

Postimi i Haradinajt:

Pse po dështon ndërtimi i kapaciteteve të reja energjetike në vend?

Pse ka dështuar Kosova C?

Pse ka dështuar Kosova e Re?

Pse ka dështuar remonti i termocentraleve i paraparë të kryhej gjatë verës?

Pse janë paguar dhjetëra milionë për blerjen e rrymës me çmime astronomike gjatë dimrit?

Pse paguhen dhjetëra milionë të tjerë për rrymën e vjedhur në veri?

Pse është refuzuar gazi amerikan?

Pse e ke refuzuar komisionin hetimor për blerjen e energjisë?

Pse njeriu yt po përflitet të jetë pjesë e skandalit financiar të një kompanie mafioze energjetike?

Fol Kryeministër. Shpjegoja popullit ku je ti në këtë histori?/arbresh.info/