Haradinaj për Enver Zymerin: Ishte në pikat më të larta të shërbimit me dinjitet ndaj atdheut

14:09 | 26 Korrik 2024
E.K

Kryetari i AAK, Ramush Haradinaj, ka përkujtuar sot heroin e Kosovës, Enver Zymberi në përvjetorin e rënies.

Haradinaj me anë të një postimi në Facebook ka shkruar se jeta dhe përditshmëria e Enverit, Afrimit dhe të gjithë atyre që bien për atdhe, është një mision i pandalshëm.

“Sot përkujtojmë rënien heroike të Enver Zymerit, pjesëtar i Ushtrisë Çlirimtare të Kosovës dhe i Policisë së Kosovës. Jeta dhe përditshmëria e Enverit, Afrimit dhe të gjithë atyre që bien për atdhe, është një mision i pandalshëm, i cili ushqehet nga vizioni se kushdo që prek territorin dhe qytetarët e Republikës së Kosovës, do të përballet me fuqinë në rritje, të cilën e ndjejnë vetëm ata që kanë dhuntinë që, kur e kërkon atdheu, të gjenden në pikat më të larta të shërbimit me dinjitet”, ka thënë Haradinaj./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm