Google ADS

Haradinaj në Ditën Botërore të Refugjatëve: Kosova më së miri e di këtë ndjenjë të largimit nga atdheu

10:26 | 20 Qershor 2019
Arbresh.info

Kryeministri Ramush Haradinaj sot në Ditën Botërore të Refugjatëve, tha se bashkë ndjen me të gjithë ata njerëz që braktisën tokën e shtëpitë e tyre për shkak të konflikteve të dhunës dhe luftës, apo keqtrajtimeve të ndryshme.

Në një postim të tij në rrjetin social Facebook, Haradinaj ka shkruar se Kosova më së miri e di këtë ndjenjë të largimit nga atdheu, veçanërisht në vitet 1999, në kërkim të shpresës dhe ikjes nga gjenocidi serb.

“Sot, në Ditën Botërore të Refugjatëve, bashkë ndjejmë me të gjithë ata njerëz që braktisën tokën e shtëpitë e tyre për shkak të konflikteve të dhunës dhe luftës, apo keqtrajtimeve të ndryshme.

Kosova më së miri e di këtë ndjenjë të largimit nga atdheu, veçanërisht në vitet ‘99, në kërkim të shpresës dhe ikjes nga gjenocidi serb. Po sot, shpreh respektin më të lartë ndaj të gjithë miqve tanë kudo nëpër botë që strehuan familjet shqiptare në ditët më të vështira”, ka shkruar në Facebook, kryeministri Ramush Haradinaj.

Shpërndaje në rrjete sociale

Lajmet më të lexuara

Të ngjashme

Foto lajm