Google ADS

Haradinaj kujton masakrën e Srebrenicës: Mijëra jetë u shuan nga aparati shtetëror i Millosheviqit

10:24 | 11 Korrik 2023
K.B

Kryetari i AAK-së, Ramush Haradinaj ka përkujtuar gjenocidin e kryer në Srebrenicë 28 vite më parë.

Me anë të një postimi në Facebook, Haradinaj ka thënë se sot kujtojmë mijëra jetë të shuara në Srebrenicë, nga aparati shtetëror i Millosheviqit.

“Kujtojmë sot mijëra jetë të shuara në Srebrenicë, nga aparati shtetëror i Millosheviqit. Njerëz të pambrojtur e pa asnjë faj, përfshirë edhe fëmijë, gra e të moshuar, pësuan nga projektet shoviniste të realizuara përmes gjenocidit”,  ka shkruar ai.

Tutje ai ka shkruar se kjo masakër fatkeqësisht nuk e ndali regjimin e Millosheviqit që të kryej masakra të tjera në Kosovë.

“Masakra e Srebrenicës, 28 vjet më parë, fatkeqësisht nuk e ndali regjimin e Millosheviqit të kryejë masakra të tjera në Kosovë, me përmasa të një gjenocidi të ri”, ka shkruar Haradinaj.

Haradinaj ka shtuar “qoftë i përjetshëm kujtimi për viktimat./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm