Haradinaj: Arritjet tona si shtet i kemi falë bashkëpunimit me aleatët tanë

18:40 | 29 Qershor 2023
Diellza Gashi

Kryetari i AAK, Ramush Haradinaj, ka pritur në takim Amy English këshilltare speciale e senatores amerikane, Jeanne Shaheen.

Përmes një postimi në Facebook, Haradinaj ka falënderoj ShBA-në për kujdesin dhe angazhimin që ka treguar për Kosovën.

“Takova znj. Amy English, këshilltaren speciale të senatores amerikane, znj. Jeanne Shaheen. E falënderova për angazhimin dhe kujdesin e Shteteve të Bashkuara të Amerikës, veçanërisht në këto rrethana jo të lehta për vendin”, ka thënë Haradinaj.

Haradinaj ka thënë se arritjet e deritanishme si shtet i kemi falë bashkëpunimit me aleatët tanë, me ShBA-të në veçanti.

“Arritjet e deritanishme si shtet i kemi falë bashkëpunimit me aleatët tanë, me ShBA-të në veçanti. Aleanca mes dy vendeve tona është e përjetshme dhe duhet të zhvillohet e forcohen çdo ditë”, është shprehur Haradinaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm