Kryetari i Aleancës për Ardhmërinë e Kosovës, Ramush Haradinaj është takuar sot me anëtarët e kryesisë së Aleancës me të cilët konfirmuan gatishmërinë për të udhëhequr ndryshimin për të cilin sipas tij, Kosova ka nevojë.
Me anë të një postimi në Facebook, Haradinaj tha se Aleanca është e vendosur për ti dhënë vendit drejtimin e duhur, përcjell Arbresh.info.
“Me Kryesinë e Aleancës, konfirmuam gatishmërinë tonë për të udhëhequr ndryshimin për të cilin Kosova ka nevojë. Me një ekip të përkushtuar dhe një plan të qartë veprimi, jemi më të vendosur se kurrë për t’i dhënë vendit tonë drejtimin e duhur drejt zhvillimit dhe prosperitetit”, ka shkruar Haradinaj.
“Plani ynë për Kosovën Fituese është konkret dhe i realizueshëm. Përmes anëtarësimit direkt në NATO dhe zhvillimit të hovshëm ekonomik, do të sigurojmë një të ardhme të mirë për çdo qytetar. AAK me partnerët e koalicionit, janë e vetmja forcë politike që ofron zgjidhje reale për sfidat aktuale të vendit”, shtoi Haradinaj.
“Falënderoj anëtarët e Kryesisë për kontributin e tyre të çmuar në hartimin e platformës sonë fituese. Së bashku do ta bëjmë realitet vizionin tonë për një Kosovë të fortë, të sigurt dhe ekonomikisht të zhvilluar”, tha Haradinaj./Arbresh.info
Bill Clintoni shtrohet në spital
Federata e Futbollit në Gjermani nderon legjendën Franz Beck...
Përgjuesi i Vullnetit po “çmend” banorët
Xuxi aludon se Gresa ka pëlqim për të, tregon momentet kur i...
NASA: Anija kozmike Parker Solar Probe i afrohet Diellit
Pesë lojtarë të kombëtares shqiptare nuk e kanë humbur asnjë...