Haliti: S’ jam i implikuar në tregtinë me certifikata të veteranit të UÇK-së

12:00 | 19 Prill 2018
V. S.

 

Pas akuzave gjate ditës së djeshme, ka reaguar sot Deputeti i Partisë Demokratike të Kosovës, Xhavit Haliti. Përmes  Facebook-ut,   ai ka thënë se nuk është i implikuar në tregtinë me certifikata të veteranëve të UÇK-së

Postimi i plotë:

S’ jam i implekuar në tregtinë me certifikata të veteranit të UÇK-së

Dje (e mërkurë), disa media kanë raportuar sikur qenkam i implikuar në rastin e tregtisë me certifikata të veteranit të UÇK-së.

Ky raportim nuk ka të bëjë asgjë me të vërtetën faktike.

Personat që përfliten në këtë rast, për mua janë thjeshtë të panjohur. Për ta nuk kam dëgjuar asnjëherë më parë.

Ftoj publikisht edhe prokurorinë që të deklarohet për këtë rast dhe të bëjë sqarimet e nevojshme.

Duke e çmuar seriozitetin e çështjes, i bëj thirrje prokurorisë që të hetojë pa përjashtim çdo rast që ndërlidhet me keqpërdorime rreth certifikatës së veteranit të UÇK-së./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm