Nënkryetari i Kuvendit të Kosovës, Xhavit Haliti e ka komentuar kërkesën e disa deputetëve për shfuqizimin e ligjit për Gjykatën Speciale.
Haliti ka thënë se nga pikëpamja procedural ka të bëjë me një dispozitë kushtetuese dhe shfuqizimi i një dispozite kushtetuese është e pamundur të realizohet në formën se si ka kërkuar grupi i deputetëve.
Sipas tij ndryshimi ose shfuqizimi i kësaj dispozite kushtetuese nga pikëpamja procedurale realizohet vetëm me “Iniciativën për ndryshimin e Kushtetutës”, dhe jo në formën dhe mënyrën siç është kërkuar.
Postimi i tij i plotë:
“Rreth kërkesës së disa deputetëve për procedimin e Projektligjit për shfuqizimin e Ligjit nr.05/L-053, Dhomat e Specializuara dhe Zyrën e Prokurorit të Specializuar:
Nga pikëpamja procedurale, kemi të bëjmë me një dispozitë kushtetuese. Shfuqizimi i një dispozite kushtetuese është e pamundur të realizohet në formën dhe mënyrën se si ka kërkuar grupi i deputetëve të cilët e kanë nënshkruar kërkesën.
Ndryshimi ose shfuqizimi i kësaj dispozite kushtetuese (neni 162 i Kushtetutes), nga pikëpamja procedurale mund të realizohet vetëm me “Iniciativën për ndryshimin e Kushtetutës”, dhe jo në formën dhe mënyrën siç është kërkuar.
Është parim i së drejtës ndërkombëtare forma dhe mënyra se si mund të ndryshohet kushtetuta apo dispozitat e veçanta të saj.
Do të përbënte një shkelje të rëndë të Kushtetutes nëse Kryesia do të lejonte shqyrtimin e iniciativës ligjore të deputetëve nënshkrues të kësaj kërkese.
Kjo iniciativë duhet të refuzohet nga Kryesia e Kuvendit të Kosovës dhe çështja nuk mund të shkojë më tej. Kjo dispozitë kushtetuese i jep të drejtë Kryesisë që ta bllokojë iniciativën e deputetëve apo edhe të Qeverisë në mynyrë fare të thjesht proceduralisht, duke mos e futur fare në shqyrtim.
XHH”, ka shkruar Haliti në Facebook.
Xheneta tregon sa e afërt është me njerkën e saj
Të paktën 22 të vrarë nga sulmet izraelite në Gazë
Aguero tregon tri ekipet favorite që mund ta fitojnë Ligën e...
Çeku: Festivali i Këngës tregoi se jemi gati për Eurovision
Katër persona goditen nga vetura në Mitrovicë – mes tyre dy ...
Për nëntë muaj, 122 policë ishin “viktimë” e dhunës së qytet...