Grupi Parlamentar i LDK-së nuk është marrë me videon e Albin Kurtit

15:19 | 6 Janar 2020
arbresh.info

Në kohën kur Lidhja Demokratike e Kosovës mbledhi 28 deputetët e zgjedhur të legjislaturës së shtatë, kandidati për kryeministër i Vetëvendosjes, Albin Kurti, doli  me një video mesazh.

Ai ndau një zëvendëskryeministër për LVV-në dhe pesë ministri, duke bërë publik edhe emrat, dhe i kërkoi LDK-së emrat për një zëvendëskryeministër dhe një pesë ministri të tjera.

Pavarësisht kësaj, deputetët e LDK-së thonë se nuk e kanë parë dhe nuk kanë diskutuar për këtë video, shkruan arbresh.info.

Deputeti, Armend Zemaj, pas përfundimit të takimit të mbledhjes së Grupit Parlamentare ka thënë se nuk ka parë videon e Kurtit.

“Ju takon Kryetarit të partisë dhe bartëses së listës zonjës, Vjosa Osmani, për ecurinë e krijimit të koalicionit për hapat e mëtutjeshme. Nuk e kemi parë video mesazhin. Tash është mbledhja e Kryesisë dhe ata vendosin”, deklaroi Zemaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm