Google ADS

Greqi, gratë refugjate shfrytëzohen si punëtore seksi

18:34 | 9 Shkurt 2017
Trina Galanxhi

Më mbylljen e kufijve në Evropë, refugjatët e pambrojtur në Greqi ndjehen të mbërthyer në një qoshe dhe e vetmja gjë që kanë ata për të shitur, është trupi i tyre.

Të dëshpëruar dhe të pafuqishëm, refugjatët e rinjë në Greqi janë kthyer në punëtorë të seksit dhe drogës, transmeton portali arbresh.info.

Sipas Zyrës Ndërkombëtare për Migrim, të paktën 335,000 refugjatë kanë kaluar Detin Mesdhe gjatë vitit 2016. Ndërsa, me mbylljen e kufijve në Evropë, rreth 68 mijë refugjatë kanë mbetur të bllokuar në Greqi.

Shumica nga këta refugjatë janë aq të dëshpëruar sa kanë filluar të shesin trupin e tyre dhe të abuzojnë me droga.

Në Pedion tou Areos park në Athinë, refugjatët thonë se ata janë të gatshëm të punojnë edhe për 10 euro në ditë, por nuk është se u ofrohet punë.

Disa nga ta kanë menduar edhe të bëjnë vetëvrasje, pasi vazhdojnë të jetojnë të varur nga ndihmat e qeverisë greke.

Megjithatë, ëndërra e tyre është që të kalojnë në vendet e pasura të BE-së./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm