Ish-shefi i sigurimit të ish-presidentit të Kosovës, Hashim Thaçi, Xhavit Ferizi i njohur ndryshe si “Raketa”, ka ndërruar jetë.
Ngushëllime për vdekjen e tij ka shprehur ish deputeti i Partisë Demokratike të Kosovës (PDK), Adem Grabovci.
Grabovci tha se ndarja nga jeta e Xhavit Ferizit është humbje e madhe për vendin.
“Lamtumirë Raketë! Ndarja nga jeta e bashkëluftëtarit dhe bashkudhëtarit Xhavit Ferizi, është humbje e madhe për familjen, vendin dhe gjithë ata që e njohën dhe patën fatin të rrugëtojnë me të”, shkruan Grabovci në telegramin e tij ngushëllues, përcjell Arbresh.info
Deputeti shkruan se ai sot po i bashkohet djemve më të zot dhe burrave të mëdhenj të kombit.
“Raketa, në pamundësi ta përballojë luftën me sëmundjen, sot, po i bashkohet djemve më të zot dhe burrave të mëdhenj të kombit. Na mërzite Raketë, prehu në paqe në dheun e Kosovës tënde”, shkruan ish deputeti.
Lajmin për vdekjen e tij e kanë bërë të ditur familjarët e tij përmes rrjetit social në Facebook.
“Me pikëllim të thellë e zemër të thyer, të dashur familjar, miq e dashamirë, ju njoftojmë se sot në mëngjes me datën 19 mars 2024 ka ndërruar jetë Xhavit Ferizi – Raketa, duke na lënë përjetësisht të pikëlluar, por krenar. Zemra e tij pushoft e qetë dhe pranë më të dashurve të tij. Në këto momente vetëm krenaria për të është më e madhe se dhimbja”, kanë shkruar familjarët. /Arbresh.info/
LEXO EDHE:
Vdes ish-shefi i sigurimit të Thaçit, Xhavit Ferizi – Raketa
Çitaku shpreh ngushëllime për vdekjen e Xhavit Ferizit: Kam besu që njerëzit si ti nuk na lënë kurrë
Të paktën 66 të vdekur dhe dhjetëra të zhdukur nga përmbytje...
Neuer pyetet nëse do të rikthehet nga pensionimi pas lëndimi...
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...