Grabitje në një pompë derivatesh në Prishtinë

23:06 | 12 Prill 2022
L G

Një pompë derivatesh në komunën e Prishtinës sonte ka qenë sonte cak i grabitësve.

Ende nuk dihet shuma e grabitur, mirëpo sipas Policisë së Kosovës, dyshohet se grabitja është bërë nga dy persona.

Zëdhënësja e Policisë së Kosovës për rajonin e Prishtinës, Flora Ahmeti i ka thënë arbresh.info se grabitja dyshohet të ketë ndodhur rreth orës 19:40 në rrugën “Fahri Fazliu” në Prishtinë.

“Rreth orës 19:40 është raportuar për një grabitje të ndodhur në një pompë derivatesh në rrugën “Fahri Fazliu” në Prishtinë. Pas marrjes së informacionit policia ka dalë në vendngjarje dhe bazuar në informacionet e para dyshohet që grabitja të jetë kryer prej dy personave të dyshuar”, tha Ahmeti.

Sipas saj, policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm