Pasditën e sotme ka ndodhur një grabitje e armatosur në një institucion mikrofinanciar në Prishtinë.

Rasti ka ndodhur saktësisht rreth orës 14:00 në rrugën “Nazim Gafurri”.

Lajmin për Arbresh.info e ka konfirmuar, Flora Ahmeti zëdhënëse e Policisë për rajonin e Prishtinës.

Bazuar në informacionet e para, dyshohet se një personi i dyshuar nën kërcënim të armës ka grabitur një shumë parash.

Tutje, Policia ka nisur me ndërmarrjen e veprimeve të nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar.

“Sot rreth orës 14:00 është raportuar për një grabitje të ndodhur në një institucion mikrofinanciar në rrugën “Nazim Gafurri”në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se një personi i dyshuar nën kërcënim të armës ka grabitur një shumë parash. Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit si dhe identifikimin dhe arrestimin e personit të dyshuar”, tha Ahmeti./Arbresh.info/