Goran Rakiq dhe Danijela Vujiçiq, dy nga katër serbët e Kosovës në listën e Vuçiqit për zgjedhje

15:35 | 4 Nëntor 2023
KRG

Në listën zgjedhore me emrin e presidentin serb, Aleksandër Vuçiq, ndodhen edhe emrat e katër serbëve nga Kosova.

I 27-ti në këtë listë të zgjedhjeve të 17  dhjetorit, është ish-kryetari i Listës Serbe, Goran Rakiq, raporton Kossev, përcjell KlanKosova.tv.

Vendin e 42-të e ka zënë Danijela Vujiçiq, e cila ka qenë kryetare e ekipit menaxhues për draftimin e Asociacionit të Komunave me Shumicë Serbe.

Dy kandidatët tjerë në listën e Vuçiq me 250 emra janë edhe Dejan Gureshiq dhe Sonja Iliq.

Më 17 dhjetor një vend në parlamentin serb synojnë ta zënë edhe serbë të tjera nga Kosova, me subjekte të tjera politike.

Shpërndaje në rrjete sociale

Lajmet më të lexuara

Të ngjashme

Foto lajm