Kryetarja e Gjykatës Speciale, Ekaterina Trendafilova pritet që më 23 nëntor të vizitoj Kosovën.  Gjatë vizitës, kryetarja e Dhomave të Specializuara pritet të takoj akterët më të lart të shtetit. Lajmin për vizitën e Trendafilovas e ka bërë të ditur për “Arbresh.info“, drejtori ekzekutiv i Odës së Avokatëve të Kosovës, Yll Zekaj.

Sipas Zekajt, bashkë me Trendafilovan në vizitë do të jetë edhe administratorja e gjykatës, Fidelma Donlon.

“ Kryetarja e Gjykatës Speciale pritet që me datë 23 nëntor ta vizitoj Kosovën dhe ta ketë një takim informues lidhur me gjithë procesin, hapjen e këtij procesi pranë kësaj gjykate. Kryetarja e gjykatës do të vije bashkë me administratoren e kësaj gjykate, dhe do ta ketë një takim informues me akterët në Kosovë, ku do të jetë edhe Oda e Avokatëve të Kosovës”, u shpreh Zekaj.

Kjo është vizita e parë e Trendafilovas në Kosovë.

Ndryshe, Gjykata Speciale, apo siç njihet zyrtarisht Dhomat e Specializuara të Kosovës, këtë muaj kanë bërë një hap para drejt fazës së ngritjes së aktakuzave të para.

Më 6 nëntor, me miratimin e Kryetares, Ekaterina Trendafilova, pas këshillimeve me gjykatësit, Administratorja, dr. Fidelma Donlon, ka nxjerrë Direktivën për Mbrojtësit, e cila ka hyrë  në fuqi. Kjo Direktivw për Mbrojtësit përcakton kriteret për pranim në Listën e Mbrojtësve. Vetëm mbrojtës që i përmbushin kriteret për pranim në Listën e Mbrojtësve mund të emërohen ose të caktohen prej Administratores për përfaqësimin e të dyshuarve, të akuzuarve ose të një grupi viktimash”. /Arbresh.info/Gita Lushi