Gjykata në Gjermani dënon me burgim të përjetshëm kosovaren e cila e përvëloi vajzën e saj 4 vjeçare

11:49 | 27 Qershor 2023
E.H

Gjykata e Qarkut në Gjermani ka dënuar me burgim të përjetshëm një grua nga Kosova.

Siç shkruan media gjermane t-online, 25-vjeçarja, në gushtin e vitit të kaluar e kishte larë vajzën e saj me ujë shumë të nxehtë sa ajo pësoi djegie me rrezik për jetën.

Gruaja s’e kishte dërguar të bijën fare te mjeku, shkaku se nuk kishte sigurim shëndetësor.

Kosovarja kishte frikë se nuk do të mund t’i përballonte shpenzimet.

Sipas gjykatës, ajo e kishte trajtuar fëmijën krejt në mënyrë joadekuate.

Gruaja e kishte lyer me krem dhe e kishte fashuar katërvjeçaren por ajo vdiq pas 12 ditësh.

E pandehura gjatë gjykimit tha se e ka kuptuar shumë vonë që uji ishte shumë i nxehtë.

Gruaja ka pretenduar se plagët janë shkaktuar nga vet vajza./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm