Gjykata Themelore në Prishtinë ka caktuar masën e paraburgimit ndaj të pandehurve Blerim Gerbeshi, Abdyl Fazliu, Junus Hasani dhe Haki Haziri në kohëzgjatje prej një (1) muaji për secilin veç e veç.
Blerim Gërbeshi dhe Abdyl Fazliu dyshohet se kanë kryer veprën penale në bashkëkryerje “Keqpërdorimi i pozitës apo autoritetit zyrtar” dhe veprën penale “Marrje ryshfeti”.
Ndërkaq i pandehuri Haki Haziri dyshohet se ka kryer veprën penale “Pranimi i ryshfetit”. Kurse, Junus Hasani, dyshohet se ka kryer veprën penale “Marrje ryshfeti”.
“Pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka ardhur në përfundim se kërkesa e Prokurorisë Themelore në Prishtinë, Departamenti për Krime të Rënda, është e bazuar, bindëse dhe mjaftueshëm e argumentuar për këtë fazë të procedurës”, thuhet në njoftimin e Gjykatës./arbresh.info/
Njoftimi i plotë i gjykatës
Gjykata Themelore në Prishtinë – Departamenti i Krimeve të Rënda, ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit kundër të pandehurve B.G. dhe A.F., për shkak të dyshimit të bazuar se kanë kryer veprën penale në bashkëkryerje Keqpërdorimi i pozitës apo autoritetit zyrtar nga neni 414 paragrafi 1 lidhur me nenin 31 të KPRK-së dhe veprën penale Marrje ryshfeti nga neni 421 paragrafi 1 lidhur me paragrafin 31 të KPRK-së, i pandehuri H.H. për shkak të dyshimit të bazuar se ka kryer veprën penale Pranimi i ryshfetit në sektorin privat nga neni 309 paragrafi 1 të KPRK-së dhe veprën penale Dhënie e ryshfetit nga neni 422 paragrafi 1 të KPRK-së dhe i pandehuri J.H., për shkak të dyshimit të bazuar se ka kryer veprën penale Pranimi i ryshfetit në sektorin privat nga neni 309 paragrafi 1 të KPRK-së dhe veprën penale Dhënie e ryshfetit nga neni 422 paragrafi 1, të Kodit Penal të Republikës së Kosovës.
Gjyqtarja e procedurës paraprake kërkesën e prokurorit të shtetit për caktimin e masës së paraburgimit kundër të pandehurve B.G., A.F., H.H., J.H. e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej një (1) muaji për secilin veç e veç. Të pandehurve B.G., A.F., H.H., J.H. paraburgimi iu caktohet në bazë të nenit 187 paragrafi 1 nën paragrafët 1 dhe 2, pika 1.2.1, 1.2.2 dhe 1.2.3 të Kodit të Procedurës Penale.
Pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka ardhur në përfundim se kërkesa e Prokurorisë Themelore në Prishtinë, Departamenti për Krime të Rënda, është e bazuar, bindëse dhe mjaftueshëm e argumentuar për këtë fazë të procedurës.
Kundër këtij aktvendimi palët kanë të drejtë ankese në Gjykatën e Apelit të Kosovës.
Theret me thikë një burrë në Viti
Përleshja fizike mes 13 personave në Prishtinë, policia jep ...
Pati super paraqitje ndaj Bayernit por Raphinha pret edhe më...
Meloni: Marrëveshja Itali-Shqipëri për emigrantët do të funk...
Edon Zhegrova feston me plis në kokë fitoren ndaj Atleticos
Turqia sulmon caqe në Irak e Siri pas sulmit terrorist në An...