Gjykata Themelore në Prishtinë u ka caktuar masën e paraburgimit prej 30 ditë kundër Naim Murselit dhe dy të tjerëve për vrasjen e Liridona Ademit me 29 nëntor në fshatin Bërnicë të Prishtinës.

Në njoftimin e gjykatës jepen detaje se si ndodhi e gjithë skena e vrasjes së Liridonës me urdhër nga bashkëshorti i saj Naimi, përcjell Arbresh.info.

Ekziston dyshimi i bazuar se i pandehuri N.M me dashje që ta privojë nga jeta në mënyrë dinake bashkëshorten e tij, ishte marrë vesh me të pandehurin G.P për ta vrarë tani të ndjerën L.M, ku paraprakisht i pandehuri N.M e kishte pajisur me armë të pandehurin G.P dhe kishin inskenuar veprën penale të Grabitjes, e cila është realizuar me datë 29.11.2023 rreth orës 20:25 minuta , në fshatin Bernicë, Komuna e Prishtinës”, thuhet në njoftim.

Lexo edhe:

30 ditë paraburgim për Naim Murselin dhe dy të tjerët për vrasjen e Liridona Ademajt

“Në atë mënyrë që derisa i pandehuri N.M ishte duke lëvizur me veturën e tij, në të cilën kanë qenë e ndjera L.M dhe dy fëmijët e tyre, papritmas ka dalë para veturës i pandehuri G.P me maskë në kokë dhe revole në dorë, ku sipas marrëveshjes paraprake i pandehuri N.M me fëmijët kishin dalë nga vetura dhe ishte larguar nga vendi i ngjarjes kinse për të ikur, ndërsa në veturë kishte mbetur tani e ndjera, të cilën i pandehuri G.P e kishte qëlluar nga afërsia me një plumb në qafë dhe si pasojë e plagës vdekjeprurëse, e ndjera L.M kishte ndërruar jetë në vendin e ngjarjes, ndërsa për këto veprime i pandehuri N.M, paraprakisht i kishte premtuar të pandehurit G.P shumën e të hollave prej 30,000.00 €”, thuhet tutje në njoftimin e Gjykatës.

Ndryshe, për vrasjen e Liridones ka pasur reagime të shumtë, ku edhe u kërkua që autorët e krimit të dalin para drejtësisë./Arbresh.info