Gjykata ia ndalon Milaim Zekës të flasë për media

12:37 | 19 Tetor 2017
arbresh.info

Deputeti Milaim Zeka, i cili po mbahet në arrest shtëpiak për dyshimet për implikim në një skandal me viza punësimi në Gjermani, e ka të ndalur prononcimin për media.

Në vendimin e së martës të Gjykatës Themelore të Prishtinës, sipas bashkëshortes së deputetit të NISMA’s, Edlira Qefalija-Zekës, thuhet se Milaim Zeka e ka të ndalur çfarëdo prononcimi publik.

“Të pandehurit i ndalohet çdo prononcim publik në media, qoftë elektronike apo të shkruara”, citon Qefalija-Zeka për Gazetën Express, vendimin e gjyqtarit Isuf Makolli ndaj të dyshuarit për “mashtrim”, “krim të organizuar” dhe “shmangie tatimi”.

Me këtë rast, ajo tregon se bashkëshorti i saj e ka edhe telefonin e ndalur.

Ndryshe prej kufizimit për deklarim në media gjatë kohës sa Zeka ndodhet në arrest shtëpiak, i njëjti sipas vendimit të Gjykatës Themelore mund të kryejë angazhimet e tij si deputet.

Deputetit të NISMA’s, përveç në seanca të Kuvendit të Kosovës, i lejohet pjesëmarrja edhe në komisione parlamentare.

Shpërndaje në rrjete sociale

Lajmet më të lexuara

Të ngjashme

Foto lajm