Gjykata e Apelit reagon ndaj konstatimeve të Auditorit për këtë gjykatë

11:35 | 4 Dhjetor 2017
Arbresh.info

Gjykata e Apelit e Kosovës, ka reaguar lidhur me Raportin e Auditimit mbi Efikasitetin e Menaxhimit të Lëndëve Civile në gjykatat themelore, të hartuar nga Zyra Kombëtare e Auditimit.

“Gjykata e Apelit thekson se disa nga të gjeturat e këtij raporti, janë edhe shqetësime permanente të kësaj gjykate dhe kryetarit Hasan Shala, për të cilat po punohet që të evitohen.

Gjithsesi, kjo gjykatë, dëshiron ta njoftoj opinionin publik se nuk qëndrojnë konstatimet e Auditorit sipas të cilave numri i lëndëve civile të kthyera në rigjykim është 62 %.

Në bazë të raporteve tona statistikore, rezulton se numri i lëndëve civile të cilat kthehen në rigjykim është dukshëm më i vogël, konkretisht 29 %. Në 60 % të rasteve aktgjykimet e gjykatave të shkallës se parë vërtetohen, ndërsa pjesa tjetër ndryshohet”, thuhet në reagimin e Gjykatës së Apelit.

Shpërndaje në rrjete sociale

Lajmet më të lexuara

Të ngjashme

Foto lajm