Gjuriq nesër në Kosovë

10:22 | 19 Prill 2018
Arbresh.info

Drejtori i Zyrës për Kosovën në Qeverinë e Serbisë, Marko Gjuriq, nesër do të vijë përsëri në Kosovë, njofton Klan Kosova.

Gjuriq kësaj here ka leje nga autoritetet e Kosovës për të ardhur në territorin e Republikës.

Ardhja e nesërme e Gjuriq lidhte me afatin që Lista Serbe u kishte dhënë organeve të Kosovës për nisjen e themelimit të Asociacionit të Komunave me Shumicë Serbe.

Asamblistët dhe kryetarët e 10 komunave serbe në Kosovë ishin mbledhur muajin e kaluar dhe e kishin vendosur 20 prillin si afat për institucionet kosovare.

Nesër është paraparë një mbledhje e sërishme në Zveçan, në orën 13:00 për të diskutuar për këtë çështje./Klan Kosova/

Shpërndaje në rrjete sociale

Lajmet më të lexuara

Të ngjashme

Foto lajm