Gjuriq: Në Kosovë na trajtuan si kontrabandistë

17:37 | 4 Shtator 2017
Arbresh.info

Ministri i arsimit në Serbi, Mladen Sarçeviq dhe drejtori i të ashtuquajturës zyrë për Kosovë në Serbi, Marko Gjuriq sot nuk u lejuan të hyjnë në Kosovë.

Ata nuk arritën të kalojnë në pikë-kalimin kufitar në Jarinje, raporton Tanjug.

Marko Gjuriq ka thënë se me këtë veprim është shkelur marrëveshja për lirinë e lëvizjes, transmeton lajmi.net. Kurse ministri serb i arsimit ka thënë se kthimi prap i tyre është bërë duke u trajtuar si kontrabandistë.

Sarçeviq dhe Gjuriq u ndaluan në Jarinjë në rrugën Rashkë-Leposaviq pasi nuk kishin leje për të hyrë në Kosovë.

Të dy kishin planifikuar që sot në Qendrën e Studentëve në Mitrovicë të hapin Institutin për kujdesin shëndetësor të studentëve të Universitetit paralel të Prishtinës.

Shpërndaje në rrjete sociale

Lajmet më të lexuara

Të ngjashme

Foto lajm