Gjuajti me armë zjarri në natën e Vitit të Ri, policia arreston sot të dyshuarin

15:15 | 5 Janar 2024
E.K

Stacioni i policisë në Ferizaj ka njoftuar se ka pranuar një informatë se një person në natën e Vitit të Ri në rrugën ‘’Shaban Elezi‘’ në Ferizaj kishte përdorur armën e zjarrit.

Në njoftimin e policisë, bëhet e ditur se Njësia e Hetimeve të stacionit në Ferizaj, ka arritur që të identifikojë personin A.K ( M/K) i moshës 36 vjeçar, të cilin sot, e kanë shoqëruar në stacionin e policisë.

“Pas intervistimit të policëve hetues, me vendim të prokurorit të shtetit, i njëjti është liruar për procedurë të rregullt hetimore, ndërsa si provë materiale arma e zjarrit është sekuestruar. Rasti është cilësuar ‘Përdorimi i armës apo mjetit të rrezikshëm dhe mbajtje në pronësi të pa autorizuar të armës’’, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm