Gjobitet shoferja 21-vjeçare në Ferizaj, u kap duke vozitur 112 km/h në zonën 50 km/h

16:52 | 29 Prill 2025
E.H

Një shofere 21-vjeçare është gjobitur me 300 euro nga Policia e Kosovës në Ferizaj për tejkalim të shpejtësisë.

Në njoftim thuhet se më datë 28.04.2025, rreth orës 12:20, në rrugën “Driton Islami” në Ferizaj, është ndaluar një shofere me inicialet S.H., 21 vjeçe, e cila po drejtonte një veturë të tipit VË Golf me targa vendore, përcjell Arbresh.info.

E njëjta është kapur duke qarkulluar me shpejtësi prej 112 km/h në një zonë ku kufizimi i lejuar i shpejtësisë është 50 km/h.

“Për këtë kundërvajtje, ndaj saj është shqiptuar gjobë në vlerë prej 300 eurosh, janë dhënë 3 pikë negative, si dhe është caktuar masa mbrojtëse e ndalimit të patentë shoferit për një periudhë prej 6 muajsh, në përputhje me dispozitat ligjore në fuqi”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm

sq sq