Gjilan, dalin rezultatet e 67 mostrave, 6 nga këto rezultuan pozitiv me Covid-19

21:47 | 14 Maj 2020
Arditë Shkodra

IKSHPK sot ka njoftuar se kanë rezultuar edhe 18 raste të reja pozitive me Covid-19 në Kosovë.

Prej këtyre 18 rasteve, 6 nga këto janë nga Gjilani, duke rezultuar kështu 4 në qytet dhe 2 në fshatin Përlepnicë.

Detaje në lidhje me këto rastë ka dhënë edhe kryetari i komunës së Gjilanit, përmes një postimi në llogarinë e tij në Facebook.

Postimi i tij i plotë:

#Dita63. Sapo u njoftum nga Instituti Kombëtar i Shëndetësisë Publike se nga 67 mostrat, 6 rezultuan pozitive me #Covid19, 4 prej të cilave në qytet dhe 2 në Përlepnicë. Urojmë që të infektuarit ta përballojnë sa më lehtë dhe pa shqetësime. Situata është nën menaxhim të plotë nga organet e emergjencave civile dhe shëndetësore.

Ndërkohë, gjatë ditës, pata kënaqësinë që ta pres për vizitë pune munistren e Arsimit, Shkencës, Teknologjisë dhe Inovacionit, miken time Hykmete Bajrami, e cila e vlerësoi Gjilanin si modelin më të mirë në Republikës për zhvillimin e mësimit në distancë.
Falëmnderit shumë për mbështetjen e madhe!

Përndryshe, Gjilani po vazhdon me sukses programet e mësimit online. E uroj për mbajtjen me sukses të Kuizit të Diturisë shkollën e artit pamor “Adem Kastrati”!

Shpërndaje në rrjete sociale

Lajmet më të lexuara

Të ngjashme

Foto lajm