Gjermania: Jemi në dijeni për dorëheqjen e Thaçit, vlerësojmë bashkëpunimin e me Hagën

12:00 | 6 Nëntor 2020
Arbresh.info

Ministria e Punëve të Jashtme të Gjermanisë kanë reaguar pas aktakuzës së ngritur ndaj Hashim Thaçit duke thënë se e vlerësojnë dorëheqjen e tij nga pozita e presidentit për të bashkëpunuar me Gjykatën Speciale, shkruan Arbresh.info.

“ Ne jemi në dijeni për dorëheqjen e presidentit Thaçi. Vlerësojmë deklarimin për bashkëpunim në mes të pandehurve dhe autoriteteve të zbatimit të ligjit. Procesimi i krimeve të luftës është i domosdoshëm dhe pjesë e angazhimit kosovar për sundimin e ligjit”, thuhet në reagimin e Berlinit zyrtar.

Tutje nga MPJ gjermane thonë se s’mund të ketë paqe afatgjate në një shoqëri pa drejtësi.

“Gjermania edhe më tutje mbështet punën e rëndësishme të Dhomave të Specializuara të Kosovës me personel dhe financa. Kosova është një partner evropian shumë i rëndësishëm me të cilin punojmë ngushtë”, përfundon njoftimi.

Shpërndaje në rrjete sociale

Lajmet më të lexuara

Të ngjashme

Foto lajm