Google ADS

Gjergji për deklaratën e Hazirit: Edhe zgjedhja e Thaçit ka kaluar nëpër zyrat e LDK-së

00:06 | 25 Gusht 2020
Trina Galanxhi

Ish kandidati për President të Kosovës në vitet e kaluara, Seremb Gjergji, ka thënë se kush do të zgjedhet president i vendit mbetet të shihet në shkurtin e vitit të ardhshëm.

Ai e ka komentuar një deklaratë të nënkryetarit të LDK-së, Lutfi Haziri, i cili tash vonë ka pohuar se “zgjedhja e presidentit të ri kalon nëpër zyrat e LDK-së”.

“Edhe zgjedhja e Thaçit ka kaluar nga zyrat e LDK-së, është zgjedhë me votën e LDK-së”, është shprehur Gjergji, njofton Klan Kosova.

“Se kush do të zgjedhet tash do të mbetet deri në shkurt të 2021-ës, atëherë kur me Kushtetutë kërkohet para skadimit të afatit. Nëse Thaçin e marrin në tribunal e akuzojnë kryetarja e Kuvendit gjashtë muaj është kryetare në detyrë dhe këtë kohë bëhen përgatitjet për zgjedhjen e presidentit të ri”.

“Kam dëgjuar që Vlora Çitaku do të jetë kandidatja e PDK-së dhe ndoshta do ta merr edhe votën e LDK-së. Pastaj janë Haradinaj, Limaj edhe Pacolli që kanë shpallur kandidaturë. Këtyre iu është fikur fitili.”

 

Shpërndaje në rrjete sociale

Lajmet më të lexuara

Të ngjashme

Foto lajm