Gjendet trupi i pajetë i qytetarit që ra në lumë në Klinë

16:55 | 22 Maj 2022
A. B.

Pas intervenimit të FSK-së dhe Zjarrfikësve, është gjetur trupi i pajetë i personit që ishte raportuar se kishte rënë në lum në Deiq të Klinës.

Rastin për arbresh.info e ka bërë të ditur zëdhënësi i Policisë për rajonin e Pejës, Fadil Gashi.

“Trupi është gjetur 500 metra larg nga vendi ku peshkatarët e kishin parë duke rënë”, ka thënë ai.

Gjatë ditës, policia ka njoftuar se kërkimi kishte nisur pasi një grup peshkatarësh në mëngjesin e së dielës, kishin parë një trup që po e zvarriste uji në lumë.

Të njëjtit sipas Gashit, kishin tentuar ta nxirrnin nga uji, mirëpo përpjekja e tyre ishte e pasuksesshme sepse ai ishte zhytur edhe më thellë në lum. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm