Google ADS

Gjenden mbetje mortore në Suhodoll

12:34 | 27 Nëntor 2024
E.G

Komisioni Qeveritar për Persona të Zhdukur ka njoftuar se në Suhodoll në Mitrovicë kanë rezultuar me gjetjen dhe zhvarrosjen e mbetjeve mortore të një viktime, që potencialisht mund të jetë në Listën e Personave të Zhdukur.

Sipas njoftimit, mbetjet mortore të zhvarrosura do të dërgohen për ekzaminimet e nevojshme mjekoligjore dhe identifikimin përmes analizës shkencore të ADN-së, shkruan Arbresh.info.

Gërmimet janë realizuar në bashkëpunim me Policinë e Kosovës, dhe Institutin e Mjekësisë Ligjore.

“Qeveria e Republikës së Kosovës mbetet e përkushtuar për të vazhduar angazhimin dhe punën, duke i dhënë prioritet ndriçimit të fatit të të zhdukurve me dhunë gjatë luftës, për t’i dhënë fund ankthit 24 vjeçar të pritjes së familjarëve për të ditur vendndodhjen e më të dashurve të tyre.”, thuhet në njoftimin e këtij komisioni./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm