Drejtori i Bujqësisë në Komunën e Prishtinës, Plator Gërdovci ka njoftuar se së shpejti Prishtina do të bëhet me një Therrtore moderne të kafshëve.
Ai përmes një shkrimi në faqen e tij Facebook, është shprehur i lumtur se po përfundon koha e therjes së kafshëve në rrugë, pa kurrfarë standardi.
“Projekti për Thertoren e Prishtinës po fillon të jetësohet. Po i afrohemi fundvitit me një super lajm për Kryeqytetin. Sot publikuam thirrjen për realizimin e Thertores të Prishtinës. Jam i lumtur që po i vie fundi shqetësimeve shumë-vjeçare të qytetarëve të Prishtinës rreth cilësisë së mishit dhe produkteve të tij. Gjithashtu po përfundon edhe koha e therjes së kafshëve në rrugë, pa kurrfarë standardi”, shkruan Gërdovci.
Poashtu ai ka falënderuar Shoqatën “Jetimët e Ballkanit”, e cila e ka dhuruar si donacion projektin modern të Thertores së kryeqytetit.
“Projekti për ndërtimin e Thertores Publike do t’i plotësoj të gjitha kushtet higjieno-sanitare për sigurimin e mishit dhe produkteve të mishit për qytetarët e Prishtinës. Prioriteti ynë është mbrojtja e shëndetit publik dhe garantimi i sigurisë dhe cilësisë së ushqimit. Një falënderim i madh për Shoqatën “Jetimët e Ballkanit”, e cila e ka dhuruar si donacion këtë projekt modern të thertores së kryeqytetit. Me këtë nismë po e zgjidhim një problem të kamotshëm që me shumë të drejtë i ka brengosur bashkëqytetarët tanë”, ka shkruar Gërdovci./arbresh.info
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent