Qeveria e Kosovës ka marrë vendim që Gazmend Hoxha të zgjidhet Drejtor i Përgjithshëm i Policisë së Kosovës.
Pas rekomandimit të Ministrisë së Punëve të Brendshme, qeveria ka vendosur që t’i rekomandohet kryeministrit Albin Kurti, emërimi i Hoxhës në këtë pozitë.
Deri tani Hoxha mbante pozitën e Drejtorit të Departamentit për Operacione në Policinë e Kosovës.
Por, ai më parë ka mbajtur edhe disa pozita të tjera të larta në këtë institucion.
Hoxha në vitin 2009 kishte qenë edhe drejtor i Njësive Speciale, kurse në vitet 2010-2011 ishte emëruar Drejtor kundër Krimit të Organizuar. Në vitin 2012 ishte emëruar Drejtor i Policisë në Ferizaj.
Në konkursin e fundit për Drejtor të Përgjithshëm në Policinë e Kosovës, Hoxha ishte vlerësuar më së shumti nga të gjithë kandidatët, edhe nga Ambasada e Britanisë në Kosovë./arbresh.info/
Franca me ndihmë për Libanin në vlerë prej 100 milionë euros...
Sot mbahet seanca për fjalën përfundimtare ndaj Bedri Krasni...
Kosova ngritet për tri pozicione në ranglistën e FIFA-s
Punëtorët e KEK-ut kërcënojnë: Nëse nuk plotësohen kërkesat ...
Mbrojtësi i viktimave kërkon ta marrë në pyetje Ibishin: Ka ...
Vazhdon protesta e punëtorëve të KEK-ut: Nuk do të ndalemi d...