Kryeministri i Shqipërisë Edi Rama, ka folur para mediave shqiptare pas mbledhjes së Asamblesë së Përgjithshme të Këshillit të Evropës.

Ai u pyet nga gazetarët se a do ta bëntë të njëjtën gjë nëse i akuzuar nuk do të ishte ish-presidenti i Kosovës, por një tjetër figurë e lartë e Ushtrisë Çlirimtare e Kosovës, siç është për shembull Ramush Haradinaj.

Rama refuzoi t’i përgjigjej kësaj pyetje duke thënë se kjo është ofenduese për të.

“Më vjen shumë keq, po kësaj pyetje nuk i përgjigjem, është fyese për mua” – tha Rama.

I pari i qeverisë shqiptare sot në Asamblenë e Këshillit të Evropës, ka folur rreth raportit të ish-senatorit zviceran Dick Marty.

Rama tha se as pas 11-vjetësh të miratimit të këtij raporti nga KiE, nuk janë vërtetuar pretendimet që i akuzojnë ish-krerët e Ushtrisë Çlirimtare të Kosovës për trafikimin e organeve.

Ai ka propozuar rezulotë për kundërshtimin e raportit të ish-politikanit të Zvicrës.

Rama, ka kërkuar nga vendet anëtare të Këshillit të Evropës që të votojnë pro anëtarësimit të Kosovës në këtë institucion, që tashmë e ka dorëzuar aplikacionin. /arbresh.info/