Google ADS

Gashi kërkon mbështetjen e Belgjikës për anëtarësimin e Kosovës në Interpol

15:32 | 5 Qershor 2018
Arbresh.info

Ministri i Punëve të Brendshme, Bejtush Gashi, priti sot në takim shefin e zyrës belge në Kosovë, Jean-Louis Servais, me të cilin bisedoi për hapat që ka ndërmarrë vendi ynë në kuadër të agjendës për liberalizim të vizave, si dhe progresin e arritur në luftimin e terrorizmit dhe ekstremizmit të dhunshëm.

Ministri Gashi vuri në dukje përkrahjen që ka dhënë shteti belg në konsolidimin e shtetit të Kosovës, respektivisht mbështetjes së institucioneve të zbatimit të ligjit.

Në këtë takim ai kërkoi që kjo mbështetje e Belgjikës të vazhdojë, sidomos në përpjekjet për anëtarësim të Kosovës në INTERPOL dhe arritjen e marrëveshjes për bashkëpunim strategjik me EUROPOL-in.

Shefi i zyrës belge, Jean-Louis Servais, premtoi përkrahjen e mëtejme të shtetit të tij, rreth përpjekjes që po bëjnë institucionet e vendit në përmbushjen e obligimeve që çojnë përpara agjendën evropiane të Kosovës, si dhe në fuqizimin e sundimit të ligjit.

Shpërndaje në rrjete sociale

Lajmet më të lexuara

Të ngjashme

Foto lajm