Avokati Tomë Gashi ka folur rreth mundësive për formimin e një gjykate ndërkombëtare për krimet e kryera nga Serbia në Kosovë.
Gashi ka thënë në emisionin “DPT Te Fidani”, në televizionin T7, se “gjykatë ndërkombëtare nuk mundet të kërkojë një shtet për një shtet tjetër” – në këtë rast Kosova për Serbinë.
“Kosova ka mundur që t’i akuzojë, nëse gjinden prova edhe t’i gjykojë, të gjithë ata serbë të implikuar në vrasjen e civilëve në Kosovë”, ka deklaruar ai.
Mundësia që të bëhet një gjykatë ndërkombëtare për krimet e Serbisë ka kaluar, sipas Gashit.
Më 2015, ka thënë ai, “ka qenë treni i fundi”, kur Kuvendi i Kosovës votoi për formimin e Gjykatës Speciale.
Gashi ka thënë se Kosova nuk është dashur të pranonte ta formonte Gjykatën Speciale, të cilën e ka cilësuar “gjykatë kundër vetvetes”.
Ai ka thënë se është dashur që të paktën të këmbëngulet që ky organizëm të merret edhe me krimet e kryera nga serbët. /Express/
Ushtarët e ri të FSK-së, Ministria e Mbrojtjes tregon se si ...
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...