Gani Geci flet për shkuarjen në Hagë, tregon se për çka pret të dëshmojë

22:02 | 27 Gusht 2020
Arbresh.info

Gani Geci ka thënë se do të udhëtojë në Hagë gjatë shtatorit për t’u marrë në pyetje nga prokurorët e Gjykatës Speciale.

Sipas tij, arsyeja e thirrjes së tij në Hagë mund të jetë Komunikata nr.59 e Ushtrisë Çlirimtare të Kosovës.

“Mendoj se jam i ftuar të dëshmoj për Komunikatën nr.59. Prej kësaj komunikate më janë vrarë dy shokë”, ka thënë Geci në Kanal10.

“Çështja Sandokani është sqaruar tashmë, por nëse pyetem për këtë do të dëshmoj sërish” është shprehur Geci.

Ai më tej ka treguar se rastin e Komunikatës nr.59 ia ka paraqitur edhe Prokurorisë së Kosovës.

“Ia kam paraqitur Komunikatën nr.59 ish-prokurorit Sylë Hoxha, por më ka thënë se është rast i vjetër”, ka përfunduar ai.

Në këtë komunikatë, Gani Geci ishte shpallur ‘tradhtar’ dhe ishte kërkuar likuidimi i tij.

 

Shpërndaje në rrjete sociale

Lajmet më të lexuara

Të ngjashme

Foto lajm