Gjatë 24 orëve të ardhshme mbi rajon pritet të kaloj një front i ftohtë, me bërthamë të ftohtë të masave ajrore që po vijnë nga veriu i kontinentit.
Nën këto kushte sot pasdite vonë dhe në mbrëmje vende-vende priten reshje lokale shiu, e gjatë natës me kalimin e këtij fronti priten reshje shiu të intenzitetit të lartë. Në vise kodrinore priten reshje shiu të përziera edhe me borë, e në vise malore mbi 1200m vetëm reshje bore.
Nesër herët në mëngjes dhe paradite reshjet do të jenë më të qëndrueshme, ndërsa gjatë ditës do të mbajë mot i ftohtë, i vranët dhe me erë të fuqishme veriore, vende-vende me riga lokale shiu. Deri në mbrëmje reshjet pritet të pushojnë. Të dielën pritet përmirësim i motit, ku do të mbajë mot me vransira dhe intervale me diell.
Në fillim të javës do të vazhdojë të mbajë mot me vranësira dhe intervale me diell. Të martën pasdite vende-vende nuk përjashtohen mundësitë për riga lokale shiu.
Temperaturat e ajrit nga sot në mbrëmje dhe nesër do të pësojnë rënie të ndjeshme, me maksimale që do të zbresin deri në 6C, e minimale deri në 3C, e në vise malore edhe në -1 deri -2C. Nga dita e diel temperaturat do të shënojnë rritje graduale rreth vlerave mesatare.
Maksimalet do të sillen nga 14C deri në 18C, e minimalet nga 3C deri në 6C. Të shtunën do të fryjë erë mesatarisht e fuqishme dhe fuqishme nga veriu 8-14m/s, e të dielën kryesisht nga veriperëndimi 2-7m/s. Shtypja atmosferike pasi të zbres rreth vlerave normale, nga e dita e diel do të shënojë rritje./arbresh.info/
Fillojnë trajnimet për noterët e rinj, Haxhiu iu uron sukses...
Hetimi i brendshëm konstaton mangësitë në atentatin ndaj Tru...
Begaj në Ditën e Paqes: Bota është trazuar në mungesë të saj
Sulmuan fizikisht zyrtarët policorë, arrestohen tre persona ...
Sekuestrohen barna pa banderola me vlerë 1500 euro, arrestoh...
Serbia përgatit 500 trupa për ndërhyrje në veri, Shala: Nuk ...